Sulatin #2: Ang Pagharap sa Bagong Pagkakataon

            Si Yassen ay isang labing pitong taong gulang na binata na naninirahan sa bayan ng Cainta, Rizal. Siya ay kasalukuyang nag-aaral sa Sta. Lucia High School, kung saan siya kilala bilang isa sa mga pinakamahusay sa larangan ng matematika at agham. Ang kanyang husay at dedikasyon sa pag-aaral ay hindi lamang nagdadala ng karangalan sa kanyang sarili kundi pati na rin sa kanyang paaralan.

            Bilang isang kabataang puno ng pangarap, naitindihan ni Yassen ang hirap ng buhay. Lumaki siya sa isang pamilyang marangal ngunit hindi masagana, kaya’t maaga niyang natutunan ang kahalagahan ng pagsisikap at determinasyon. Ang bawat tagumpay na kanyang nakakamit ay bunga ng kanyang tiyaga at matinding hangaring magtagumpay hindi lamang para sa sarili, kundi para rin sa kanyang mga magulang na nagsilbing inspirasyon sa kanyang buhay.

        Naniniwala si Yassen na ang edukasyon ang susi sa magandang kinabukasan. Ang kanyang pangarap ay makapagtapos ng pag-aaral at magkaroon ng isang maayos na propesyon na magbibigay-daan upang maiahon ang kanyang pamilya sa kahirapan. Sa kabila ng mga hamon, patuloy siyang kumikilos at nag-aasam ng mas maliwanag na kinabukasan. Siya ay isang huwarang kabataan na nagtuturo sa atin ng halaga ng pagsusumikap, pagpupunyagi, at pagmamahal sa pamilya.